Понедельник
26.06.2017
23:48
Категории раздела
Про цыган от гаджо [45]
Цыгани всего мира [48]
Статистика

Онлайн всего: 1
Гостей: 1
Пользователей: 0
Форма входа
Поиск
Цыганские сайты
  • Цыганская скрипка
  • Шылалы балвал..
  • Романы Даёри
  • сайт Ярмаша
  • Романо сайто
  • Ассоциация ромов стран Балтии и СНГ "Амаро дром"
  • Цыганский электронный журнал "Свенко"
  • Амари шатрица

    Всё обо всём

    Главная » Файлы » Рассказы, сказки, легенды про цыган » Цыгани всего мира

    E Karankočesi paramiči
    [ ] 10.04.2009, 23:34
    O Karankóči. Pe leste si but paramiča ke amaré purané romá. Kana nrujil–pe o berš, e Romá
    ićaren nada te astaren e Karankočé t’anol lenđe o barvalipé.
    Mi bibi dikhlá le jekdrom. Džala voj džala, thaj katar jekdróm haćardá jećhé manušoré pašo
    drom. Sa le cikné šingá, phiravola jekh lolí stađorí, pijola i lulava, thaj sasa ciknó ciknoró, sasa učó
    sode jekh palma.
    Mi bibi ačhadili thaj mislisajli: “Nese, vov si, o Karankóči, ková kaj džanol kaj arakhadon e
    dunjalukose barvalimata. Vov si ková kaj šaj ćerol ćo ćéfi…” Đeli karing leste, pašilí zála–pozála te
    na haćarol la o Karankóči. Kana sasa but pašé, mi bibi astardá le thaj ikaldá lestar i stađorí – voj
    džanglá kaj o Karankóči bi golé stađako naští ćerol khanči. Napal phučljá le da li šaj manđol lestar
    khanči, da li šaj rodol lestar khaj bućá. Vov mothodá laće:
    – Iri manđe mi stađí, sose bi lako naští ćerav nisavo čudo!
    Mi bibi irisardá e ciknese gejá:
    – Ka iriv la tuće. Ama ni mukav tut me vastendar sa džíkaj ni ćeré sar me mangav! Lačhé?
    – Lačhé si – irisardá o Karankóči.
    – Nese, trubula man jekh gonó điv te inđaráv me familijaće – phendá mi bibi.
    Thaj jekh gonó, pherdó điv, ćerdiló angla late. Voj xutlí jek’ zála katar o čudo, ama rahatisajli ko than
    te na dićhol o Karankoči.
    – Trubul tut aver khanči? – phučljá o Karankóči. – Vaćar manđe, má ladža!
    – Eee, va! Jekh but thudvalí gurumní – thaj o Karankóči ćerdá gejá, andá e gurumnjá.
    Majpalál, ačhilí i tríto želja. Mi bibi mislisajli jekh dekíko: “Akaná si ma te inđaráv kalá
    šukár bućá ćheré…” Thaj phendá:
    – An manđe jekh vordón te astarav e gurumnjá an leste, te ladavav o gonó điv po vordón, thaj
    te iri ma ćheré! – O Karankóči ćerdá laće vi paluní želja.
    – Akaná muk ma te džav–tar manđe – phendá o Karankóči.
    – Va, lačhé! – vaćardá mi bibi thaj irisardá lese i stađí.
    Ama xoxádili! Ni trubujá te iril lese i lolí stađí kaj ćerol čuda: samo so muklá le, o Karankóči
    lačhardá pi stađí ko šoró thaj sa e bućá, kaj anglál círa andá me bibaće, ćerdilé angará. Xasardá len sa
    o ciknó!

    Recorded in Firence (Italy) by Zoran Lapov in 2002 among Jugoslavian emigrant Roma.


    Категория: Цыгани всего мира | Добавил: Nanka
    Просмотров: 258 | Загрузок: 0
    Счетчик тИЦ, PR и обратных ссылок