Пятница
29.03.2024
03:55
Категории раздела
Про цыган от гаджо [45]
Цыгани всего мира [48]
Статистика

Онлайн всего: 1
Гостей: 1
Пользователей: 0
Форма входа
Поиск
Цыганские сайты
  • Цыганская скрипка
  • Шылалы балвал..
  • Романы Даёри
  • сайт Ярмаша
  • Романо сайто
  • Ассоциация ромов стран Балтии и СНГ "Амаро дром"
  • Цыганский электронный журнал "Свенко"
  • Амари шатрица

    Всё обо всём

    Главная » Файлы » Рассказы, сказки, легенды про цыган » Цыгани всего мира

    Лана (западно-сибирский диалект)
    [ ] 10.04.2009, 23:53
    Дулмут на сыс брышында. Вурдона традэнас пиро пхарадо камэстыр дром. Рома ракирна, со кхам дыкхэла пэ сыр рота, кхамэскири рота прастал пиро болыбэн тай дэл джиипэ сарэнгэ. Нэ колы ёв холясола - зхачкирла са со сы джувиндо про пхув. Палэ на бари бэрга сыкадья паны. Грая полынэ панэскиро пашыбэ, лынэ тэ прастан сыгэдыр. Вурдона пэрэтрадынэ на баро паны тай тэрдынэ по гожо фэлда, пэ сави росчутынэ пэскирэ шатры. Дад роспхандя грэс, мэкья лэс про чяр. Дай захачкирдя яг, гэя пал о паны. О кхам змэкэлас пэ пало учо вэш, дывэс локхэс уджалас палэ бэрги : ёв на камэлас тэ ачавэл ада фэлда ратякэ. Мэ пасиём про чяр тэло учо дрэво, думинавас со явэла тася про тарго. Пэ адасавэ тарги явэнас рома сарэ ригэндар. Кэлдэраря тай чокэнаря бикнэнас пэскирэ саструнэ бутя : пиря, вадры, кэзаны. Э рома бэссарабска бикнэнас цыпэнгирэ куштыка. Э ловаря тай русска рома парувэнас, бикнэнас о грэн. Екх ром барэ вэнцэнца бикинэлас раскэ грэс : екх цыпа тай кокалы. Ёв дэлас совэл со грай арабо прастабнари, пал-дава и шуко. По риг романэ чая драбарэнас, роспхэнэнас со явэла дро гаджэнгиро джиипэ. Закхэлдя башады, багандя гожо глос. Сарэ гэнэ тэ шунэн, ёнэ джанэнас со ада багал Лана. 

    Машкир ромэндэ на бут сыс адасавэ глося. Мэ тэрдювавас, дыкхавас прэ латэ тай о ило марэлас пэ сыр чириклы дро миро колын. На зракхэла пэ дай сави бияндя адасаво гожыбэн. Тэрнэ чавэ даранас пэ тэ дыкхэн дрэ лакирэ якха, а о тэрнэ чая ладжявэстыр закэрнас пэскирэ муя дыкхлэса. Кон-то дыя годлы : " Чаворо по дром ! " Чаворо сыс бэшто машкир дром, по саво прасталас вурдэн. Сарэ инке на полынэ, со кэрдя-пэ, сыр Лана чурдыя-пэ по дром. Со сыс амэнца ? Амэ тэрдювасас сыр барунэ ... Котыр дыкхтям сыр э ча змардэ грая. Ёй попэя тэлэ вурдонэскирэ роты. Грая тэрдынэ. По вурдэн бэшэлас рай. Ёв дыкхэлас-пэ сарэндэ матэ якхэнца и на полэлас со кэрдя. Пшо дром ровэлас тыкно чаворо, пал конэстэ хасия э Лана. Явнэ халадэ ( полиция ), лынэ тэ годлэн по рома : " Со ачадэ по дром чаворэс ? " Ром ангил гаджэндэ сыс дошало тай авэла. Рома гарадэ ча на дур пашо паны. Прогэнэ бэрша, колы амэ явьям по штэто кай сыс гарады Лана. Дрэ одоя рат мэ дыкхтём ла дро суно : ёй акхарэлас ман пал пэстэ. Колы мэ лыём ла пало васт латыр пэ дрэво. Тыкны чаёри джингадя ман. " Лайош, - пхэндя ёй, - ту со, лэса тэ дживэс прэ ада фэлда ? Сарэ скэдынэ-пэ, вурдона сыгэс традэн. " Мэ уштыём тай ваздыём ла по васта. Дыкхтём сыр ёй лыджала пэскирэ васта ко кхам, полыём со са романэ чая сы набут Лана.



    Категория: Цыгани всего мира | Добавил: Nanka
    Просмотров: 1044 | Загрузок: 0
    Счетчик тИЦ, PR и обратных ссылок