| Статистика |
|---|
Онлайн всего: 1 Гостей: 1 Пользователей: 0 |
|
Амари шатрица
Всё обо всём
O Duj Phrala
|
[
]
| 11.04.2009, 00:01 |
Ande jekhe gaveste bešenas duj terne roma pe romnjenca. On esas o phrala, taj na sas lende ni dad, ni daj. Jek phral esas barvalo, aver esas čoro. Barvale phraleste o baro kher esi terdo. O kher lesko pherdo si, so manges - kan-arakhes ande leste: Li gudle xamates, li bahalodes savutja, li love, li pholja, li bax(t), li loš. Čore phraleste e purani katuna sas bare xevjenca. Kana delas brišin - pani sas ande; kana bari balval phudelas - baro šudripe sas ande. Čore phraleste efta puja sas taj gene ništo. Alo asavko djes, kaj nasvalili leski romni. Nanaj lende so te xan, bokhalile o puja, roven taj mangen te xan.
Gelo o phral čoro pe barvale phraleste. Alo taj mangel: Phrala, nasvalili mi romni, bokhalile me puja, roven. "Mangav tutar kotor manro te xavdjarav len." Dinjas o phral barvalo jek baro manro pe čore phraleske - taj xoljasajlo. Bešlo taj tašandijel: "Mo phral esi Čoro, te na dikhelas ov o barvalipe minro, o love, o pholja minre, te na Čorelas len. Sar me trašav! So kan-kerav?" Phenljas akasavke zbores ta; dikhljas pe čače kakes, kuj alo leste. Alo o kak taj phučel lestar: "Čaveja, sostar izral o teni tinro, sostar tu na lošazes? So vulo?" Phukavdjas o phral barvalo pe čače kakeske: "Alo mo phral Čoro, taj trašaniljom. Te na dikhelas ov o barvalipe minro, o love, o pholja minre, te ne čorelas len." Aj o kak phenel: "Ma traša, čaveja, kerava tuke jardomi".
Ali e rat, tuj sute o phral pe kakesa. Ertes sabastan ušine on taj dikhen - avel o phral čoro lende te mangel gene jek manro. Alo taj phenljas: "Romalen, tume sanuz barvale taj baxtale. Phukaven mange, sar vuljanuz akasavke?"
Ušjol o phral barvalo taj phenel: "Prandosajlo o kak amaro, kana amende sas e bokh bari, taj barvalilo pe romnjatar. Šun, phrala, so kerdjas ov, ker li tuja." Ušjol o kak taj le te phukavel: "Čaveja, barvaliljom me romnjatar. Peli oj e bare bokhatar. Liljom e Čuri minri, astardjom me vastesa o bala lakere, Čindjom agoral, taj vuli mande kušma tati. Bikindjom la ande diz taj vuljom barvalo." Xoxavel les o kak, ami ov pakjanilo. Dinjas pes godi, phenel: "So ovela, me ovel. Kerava!". Aj o phral barvalo e kakesa asan lestar taj phenen: "Ma traša, Čin taj bikin! Kan-barvaljos li ti romni avel sasti."
Alo o phral čoro ke katuna. Kana ratilo, liljas pi čuri taj čindjas o bala taj o kana romnjakere, kerdja e kušma taj prastanilo te biknel la. Ando pazari o manuša asanile e kušmatar taj kuvdolar les khere. Phenle: "Kan-aves rano!"
Prastanilo o phral čoro ke katuna taj dikhel - muli e romni leskiri, ande groboste si pašli. Phanljas ov pe jakha taj liljas te rovel taj te del beberja. "Devla, ajadije man!" Ami kana phinravdjas pe jakha, dikhljas, kaj bešel ande bare khereste, taj agoral o love, o pholja esi čite. O puja šukar vurjavde paš ko konas bešen taj xan.
Garavdjas ov pe romnja ande vešeste paš ko drom. Biš breš nakhle. Jekhvar alo o phral Čoro pe romnjakere grobjeste. Bešlo paš grobos, rovel thaj phenel: "Na kamav me mo barvalipe., me love, me pholja, ozaman tu ande phuvjate san. O puja barile taj gele romende.. Ačiljomas me, jek phuro džano, sar jek phuro džukel ande vešeste." Phenljas taj mulo.
|
| Категория: Цыгани всего мира | Добавил: Nanka
|
| Просмотров: 624 | Загрузок: 0
|
|